شاعر ولی نقاش


گوزلیم گوزلریوی دردیمه درمان چکرم
عشقیوی سینمه لذّتدی بی زندان چکرم


قاشیوی تیغ ، اوجا قامتیوی سرو کیمین
نقشیده ساچلارو وی بی سرو سامان چکرم


نفسون دم دی مسیحایه نفسدور نفَسه
اوزومی شعله ی خاموش و سنی جان چکرم


سنی چون بلبل شیدا اوزوم اولام چَمنون
اوزومی قلب و رگ اما سنیده قان چکرم


نازنین ناز ایله کی ناز ، برازنده سنه
او گوزل باخماقیوی حیله ی شیطان چکرم


شاعرم شعر منی بو گجه نقاش ایله دی
اوزومی کشور عشق و سنی سلطان چکرم


بی سینیخ قلبیمه وار گرچه اورک یاره سی چوخ
اوزومی سنگ صبور و سنی درمان چکرم
جوادالماسی

جوابی بنویسید

ایمیل شما نشر نخواهد شد

Time limit is exhausted. Please reload CAPTCHA.